Bütün dünyada baş verən ölümlərin başlıca səbəbi ürək xəstələlikləridir. Bu xəstəliklərin ən çox rast gəldiyimiz forması isə ürək infarktıdır. İnfarkt zamanı vaxtında müdaxilə etmək çox vacibdir. Çünki infark zamanı ürəyin qan axını nə qədər tez bərpa olunarsa infarktın ürəkdə verəcəyi zədədlənmə bir o qədər az olur. Belə ki, xəstədə infark şikayətləri olduqda dərhal təcili yardım çağrılmalıdır. 2-3 dəqiqəlik EKQ müayinəsində infarkt təsdiq olunarsa xəstə ən yaxın damar girişim mərkəzinə çatdırılmalı və müdaxilə edilməliidir. İlk olaraq infarkta hansı damar cavabdehdir?, bunu aşkarlamaq lazımdır. Bunun üçün koronar angioqrafiya müayinəsi aparılır. Bundan sonra isə müvafiq müalicə üsulu seçilir. Çox vaxt infark zamanı damar darlığını və tıxanmasını müdaxiləvi yolla açmaqla stent yerləşdirilir və müvafiq problem aradan qaldırılır. Lakin bəzi hallarda təcili açıq əməliyyat qərarıda verilə bilər. İstənilən halda ürəkdə qan dövranı bərpa edilməlidir. Ona görədə deyə bilərik ki, infark zamanı erkən müdaxilələr həm həyat qurtarır, həm də ürəyin daha az zədələnməsinə səbəb olur.