Qan təzyiqi monitorizasiyası və ya təzyiq holteri bəlli saat proqramlaşdırma aparmaqla xəstənin təzyiqini qeydə alır. Bəzi hallarda təzyiq şikayətləri ilə xəstə həkimə müraciət edir. Lakin həkim xəstənin təzyiqini ölçdükdə normal görünür. Bu kimi hallarda xüsusi təzyiq aparatı xəstənin qoluna bərkidilir və proqramlaşdırılır. Məsələn, 24 saatlıq proqram verilməklə xəstənin öz həyat tərzinə davam etməsi söylənilir. Bu zaman bəlli aralıqlarla cihaz təzyiqi ölçür və yaddaşda saxlayır. Sonradan təzyiq göstəriciləri həkim tərəfindən təhlil olunur.